gearn mit da Bahn gfahrn is oder mit'n Rossmeisslbus, is er löiwa mit dean Batzn Göld za Fouss üwa die Haad, diaz kennt's ja alle nuch dean Wech — üwa die Leinart, Haader Fursthaus, die Möllsackle, Hiachahaus Frech, Sandwirtshaus, Gaaling wieda hamgonga. A Pfeffersackl mit Salz hout er einsteckn ghatt u sein Spaziersteckn. Kan Schöissprügl. Die Buatnweiwa san ja a dean Wech ganga u habm fei a in ihrn Buaglkörbn sua allerhand Zeich drin ghatt u ma hout nöi ghäiart, dass oina üwafalln wuardn waar. Heint traut sich kaa Frau mäija allaa in Wald — wenigstens dou ba uns — u ba uns daham, dou habm sie die Grooshau in Wald füar ihre Ziegn ghatt u habm döi Schmeller mit ihrn Buaglküarbn hamgschleppt. Kaa Mensch hout nan wos dou, owa sie häitn sich fei a mit ihrn Sichln gwiahrt. Wal sua ängstlich woarn unara Weiwa fei niat. Därfts fei niat beleidigt sei, wenn ich allewal sooch Weiwa. Frauen, dös woarn nuar die Houchuagstelltn u Damen, dou hout ma weibliches Geschlecht mit zweideutigen Beruf verstandn. Dös houts ja seinerzeit a schu gebm. Dös is heint sua wöi gestern u döis kinnt a niat sua schnell oo. Die wearn braucht.

Wöi schu amäl gsagt. Ma kinnt va Hunz aff Dunz. Sua a Böiatischplauderei döi kua ja bis weit üwa die Sperrstund naus dauern u da waar allewal wieda wos. Füar heint wüll ich amal Schluss machn, wal murgn fröih mouh ich ja wieda aufstöih. In mein Garten is nuch vüll, vüll Arwat. Gurgn mouh ich legn, Tomaten setzn u Zellerpflanzen a nuch. U wenn der Petrus niat hilft: „Sprengn, sprengn, owa kaane Minen nur Wasser, wal miar ghöiaern ja niat za da Bader Meinhoff Bande, miar habm mitgholfn döi Bundesrepublik aufzabauja u wolln sie a dahaltn.

Dös füar heint, schöin Dank an Prasse Hugo, Bräitigam und Zimmerhackl füar die Einsendungen, machts weita sua zou.

Enka Steinwasser Albin

Einige Schlaggenwalder Ausdrücke:

Schwitzer - Pullower, Kluckerla - junge Hühner, Wiewerla - junge Gänse, löihdamisch - verliebte Leute, wenn sie nicht: fuchstaiflswüld woarn. Steigerung von warm: kalt - fuazläichelat - warm - bröihwarm - haas - söidichhaas. Mich fröisst, dass ich kaa Pfaatschl machn kua. Meine Finga krouwirln.

Schimpfnamen: Haadaml, Doffel, Läisch, Gflaaz - Saudappl - Plaschgoller - Baahsocker, Drouschl, Datzl.

Verschiedene Ausdrücke: Towakbeitl, Trittscheiferl, Kaasnappl, Einbrennticherl, Mülchplösch, Fültztoutschn, Bachmölderl, Zisterer, Räiatürl, Raiabüatzl, Almad, Denglstöckl, Weschrumpl, Bandlbloah, Saitruach; Drecksuttl; Pfaazollern, Köihploderling, Uahüawa, Fuazkitterl, Tschaberl, Gwürch, Funzl, Pfahpfoutschn.

A. St.

Schlaggenwalder Treffen in Auerbach

ACHTUNG! Lm. Toni Kunzmann in Auerbach wurde am 28. 5. 1976 vom 1. Bürgermeister Kreuzer angesprochen, anläßlich der 20jährigen Wiederkehr der Patenschaftsübernahme, ein TREFFEN auszurichten.

Dasselbe findet am 11. und 12. 9. 1976 statt.

Anfragen wegen Übernachtung sind in Heimatbriefen März und Juni 1975 zu finden. — Anschrift von Toni Kunzmann: 8572 Auerbach, Enge Gasse 3. — Eine weitere Verständigung kann nicht erfolgen, da kein Heimatbrief vor dem Treffen mehr erscheint!