Bua dreißigh Gauan.
Eine Weihnachtsgeschichte.

Ich waa[r] nuch a ganz klaina Bou, wöi i alltogh Summa[r] u Winta schöia zwou Stund weit van Durf in b'Stobt ein in b'Schöll ganga bi. In Summa[r] is scho nuch asgwurdn, dau bin i af ja u na van Krudum üban Hüafener Bergh z'gleicha Föiſſn oigſprunga, owa[r] in Winta dau war's laus, u dau bin i neat oa[n]mal üm Leib u Lebm ganga. Alltogh üma fünfa afſtäihn, gſchwind a Tüpfl Kaffee einſchluapern u affa üma ſechſa furt, u abnds ah allamal ba ba Stuaknacht üma ſiebma awa[r] achta hoimkumma — dös wa[r] fein üm döi Zeit koa[n] Gſchpas. U wenn i nuch neat ſua viil zan trogn ghatt häit: an Ranzn volla Böichla u öjamal nuch a paar untern Arm, in aran blaum Töichla a Käünzl Braut, recht grauß Zugſtiefl va[n] u a Pelazmutzn mit Aualapplan am Knapf, ſua bin i dean weitn Wegh alltogh ein u affi, mutſchichaloi[n], öjamal wenns Weda z'laus wa[r], is ba Vatta a Stückl bis af Nallesgräin zan „Bergh" mit ba Lotern mitganga u haut mi z'nachts wieba bon oghult. Mit ba zamſtn Lotern ſan ma owa[r] a paar mal, wenns recht argh gwedert haut, irrganga, u ſan wer wäuß wau ümganga bis ma[r] uns wieba z'recht gſunna ghatt hobm. Dau hobm affa z'nachts b'Erdäpfl gſchmeckt, u wenn öjamal gaua nuch a Bröckl Schweiners mit a weng Tunk va mittogh in ba Röiha gſtandn is, dau howi gſchmatzt u druckt, dau ſchöia bie anan a nuch amal Appatit kröigt häitn, owa döi hobm ihrs ſcho z'mittogh geſſn, ich ho in ba Stobt nea ma blaus Töichl mitn Braut af ba Schöllbank ghatt, dau howi va zwölfa üma zwoa ma Tafl hergricht, haut ma[r] owa neat ſchlecht gſchmeckt, z'mal wenn ma b'Mutta in mein Kaln Braut öjamal a kloi[n]s Löchl ei[n]gſchnittn u a Bräisl Butta einthau[n] haut. Dau o don hobma ja buh üm döi Zeit a Kälberkouh ghatt, u wenn zweng va ba Nutzing u b'Mutta gout afglegt wa[r], ja haut ſie ma öjamal va[n]ſtatt ba Butta an Kreuza mitgebn, dau howi mir bafü[r] z'mittogh ba ba Heſſnroſl an Aepfl owa[r] a Birn koſt, ho's mitn Schnopperla ſua fein gſchabt u dean ſöiſſn Brei afs Braut offigſtrichn, dös wa[r] nuch beſſa.