Von Wohlgedachten Herrn Obrigkheit zugelassen ist, in dem allen gewarttet, mich wieder diß alles, Kainen nutz, gab, gunst, freundtschafft oder feindtschafft bewegen laßen, Sondern will solches alles, nach meinem höchsten Vermügen, halten, treulich vnd vngeuerlich, alß mir Gott helff.

Holtz: Schlichter Aid.

Ich, N: N: Schwere dem Röm: Kay: vnnd zu Hungern vnnd Behaimb Khün: Maitt: Meinem allergnedigsten Herrn vnnd anstadt Ihrer Kay: Maitt: Derselben Haubtleuten oder Verwalten, so zu jeder zeit, Von Ihrer Maitt: vnndt gemaines Bergkhwerchs bestes, treulich fördern, schaden warnen vnnd abwenden, Vnnd weillen Ich von allgemainen Herren Gewerckhen, zu ainem Schlichter, des laichter holzes, verordent worden bin, Solches meinem Schlichter ambt, so mir

+ verordenten seyendt[?], getreu, vnd gewertig zu sein Ihrer Maitt:

eingeraumbt, unnd bevohlen ist, mit gleichmessig[?] den vorthafftigen[?] pflichten, getreülich unnd auffrichtig fürstehen, vorsehen auf alles dasjenige, damit Ihrer Kay: Maiit: unnd gemainer Gewerckhschafft nutz, mit recht gesuchet, unnd erzeüget werden kan, mich alß höchstes befleissigen, khainerley Ihnen vorverhangen[?], so Ihrer Kay: Maiit: unnd den Herrn Gewerckhen zu schaden, oder nachthail geraichen mag, welchs allenthalben soll höchstermelten Ihrer Kay: Maiit: ordnung gemäß, zum treuenlich[?] anzaigen, alles die vergangen beschicht[?], warnen, unnd ansagen, khaines andern, oder mehrern wegs, unnd geheiß[?], dann der mir vorhochgedachten Herrn gewerckhen, dißhalb zugestellen ist, ich dem allen gewarten, unnd wieder diß alles, khain gelt, gunst, freundschafft, oder feindtschafft, bewegen lassen, sondern will solches alles, nach meinem höchsten vermögen, halten, Treulich, unnd ungefehrlich als mir Gott helff.

Steiger: Aid Beim Liebet[?] Flüß vnd deren Beeden[?] Teuch.

Ich N. Schwere der Röm: Kay: Auch zu Hungern vnnd Behaimb Kön: Mait: Vnserm allergnedigsten Herren, vnnd Allgemeinen Herrn Erbherrn, deß Liebet[?] Flüßhab[?], Nachdem ich zu einem Steiger an derselben Liebet[?] Graben verordent worden, daß Ich ihnen Trew vnndt gewertig sein will, Ihren Nutz vnnd bestes, das Wasser Zuerhalten Trewlich zu fördern, vnnd allen schaden dabey wier[?] ihr[?] sich zutragen möchte, abzuwenden warnen vnnd anzuzeigen, Also auch, dem hinein[?] fallenden zu sehen, bey Tag, vnnd Nacht, mein Vleisiges[?] auffsehen, auch Die zween[?] Teuch, so wohl auch den graben, Was mir müglich darbey zu bessern, Jedoch in allem dem, Ihnen Thuen vnndt Laisten will, was einem getrewen Diener vnnd Steiger, gegen seinem Herrn gebüert, Jederzeit mit Vleiß verrichten, vnnd mich darwieder, weder gab, geschenckt[?] aigen Nutz, oder anders bewegen lassen will, alß wahr mir Gott helff.

Eltisten Aid

Ich N: N: Schwere der Röm: Kay: Auch zu Hungern vnndt Bohaimb[?] Kön: Mait: rc. Matthiae rc. Meines allergnedigisten Herrn Kaiser vnd Königs rc. Vnnd anstadt Ihrer Kay: vnnd Kön: Mait: Derselben Haubtman oder Verwesers[?] so zu jederzeit von Ihrer Kay: Vnd Kön: Mait: zu Schlaggenwaldt Verordent worden, getraw[?] vnnd gewärtig zu sein, vnnd demnach Ich zu einem Eltisten der Bergknappschafft erwöhlet vnd bestellet, Daß ich mich mit außziehen des lieben Brods, Bey den Stollen Zum feüern, vnnd Be[?]bauwts[?] den Schaz od[er] Sazung[?] des gleichen in gleichbauwkhen[?] so wohl zu verhüetten: Oder abwenden[?] deß Schädlichen Vorkauffens auf Marckt, Straßen vnndt Gaßen vnnd was sonsten der Knappschafft zum besten kommet Jederzeit gebreüchlichst[?] Nuzung vnnd frommen fördern, Schaden, auffruhr, vnnd empörung, allenthalben es geschehe gleich Am Bergwerck, Inn der Stadt oder wo es wolle, Verhaimblichen so weit mir müeglich sein würdet selbst abwenden, Auch solches dem Haubtman oder Verwaltter,