Vom Jahrgang 1933/34 der Schule in Gfell
Vom Jahrgang 1933/34 der Schule in Gfell

[obr] 1. Reihe unten v. l. n. r. (stehend):
Rudolf Rohm, Emma Eckl, Berta Stotz, Adolf Dürrschmidt, Trautl Kempf, Gerda Erler, Udo Doyscher, Anna Dürrschmidt, Dora Hess.
2. Maria Zitterbart, Helene Rohm, Gerda Rippl, Robert Stotz, Karl Hess, Elsa Hess, Willi Zitterbart, Anton Rippl.
3. Hermine Steinwasser, Elsa Erler, Anna Dill, Willi Steinwasser.
4. Wally Floth, Gerhard Gössl, Alois Hess, Schulleiter Doyscher.

Unnara Erna zum 60. Wiegenfest
Unnara Erna zum 60. Wiegenfest

am 19. Juni 1982

Im Eghaland hout ma d'Wiesn gmaht,
da Hanna in Gföll am Mist hout kraht:
„Ban Zenkn ham's a Ernarl kraigt,
dös hout d'Hewam in d'Wöing ei glegt."

Dou hout se s'Elsarl sakrisch gfrat,
wöi's d'Mudda hout im Schaffla gflad,
wal eitza woar's afra mal nimma oloi
ban Spln, im Huaf, in da Loach, am Longa Roi.

U waln se die Mudda und da Vadda hom gem sua vl Möi,
dou is bal glofn u plaudert hout's — u dös nöat wöi!
A Haffn gawats zan Dazöln . . .
I woa nöat daba — i müassat löing.

Owa sel is gwiß, daß jedas zwoate oda dritte Goa,
wal ma noach altn Brauch hout halt nöat lukka gloa,
dra schöina runde Möila san kumma dazou
u nouch zea Goan a'ra Bou — dann woar a Rou.

Dean hoat se tuttelt, ghetscht u büschelt,
dawal de Altn im Stodl hom drüschelt,
hülft a dean kloin Schwesterln eifrich noach,
daß jeds zafrien is u rächt froach.

Doa mirkn's bal im intern u im üawan Dürfl d'Leit:
„Ban Zenkn drüm, doa is wos loas, doa git's a Freid."
Ban Arwan, Essn, Singa u Feiern
tout mancha Nachba a weng wos zoua steiern.

Sua göiht döi Zeit halt in as Land,
enk is dös meiste rächt gout bekannt.
Nouch Noat u Gfoa, 38 im Summa,
is unna Hoimat wieda zan Altreich kumma.

Da Erna wird daham döi Zeit sua long,
dou is da Mudda uma's Herz ganz angst u bong.
Nou Karlesbod, dann zan Rüwezahl touts reisn
ua goa af Berlin wülls furt, nouch Breißn.

Hoat se sich dou nöit üwanumma,
wird's a gsund und munter wiederkumma?
„Va Zeit za Zeit woarst wieda daham,
bringst Gäst mit u an Breiticham."

Da Kröich is as — da Hanna kraht —
uns alle hout da Böhmisch Wind verwaht.
Du nimmst dein Moua u packst da Zeigl
u souchst da sölwa üwad Grenz a Steigl.

Woa dös a Gfrett, wöi hoast de schindn möissn,
bis'd gfuna hoast an Buan untan Föissn,
a Hoimatl — wöi bin i froach — im schöin Bayern,
woa ma höint dein 60. Geburtstoch könna feiern.

Dei Surgn, di Noat u Ploach, s'meist is vagässn,
wos döi Zeit dia hout zouegmessn.
Halt's öitza fest, döi schöin, goun u rächtn Gedankn,
schenk weita d'Freid u tou koa Bröckal wankn!

Schau rouich zruck u a noach drinna,
schreib alles af füa dich, di Hoimat, deine Kinna,
schau assewats mit goudn Mout,
dann wiad alles in da Gnöicht u Weitn gout!

Blei möa im Land, tou d'Blöimla göissn,
göi hutscha u tou d'Landsleit rächt schöi gröissn,
vagiß a nöit dös Singa
u da Bröudal drin in Minga! (München)

„Ghöat hoast d'as — doch af's Goa — wettn,
wüast wieda noa Bangkok oda Honolulu dschettn.
U bist dann furt — glei tout's da and
noach Ohlstadt und am Eghaland!"

Dr. Oskar R. Jessl
(Haar bei München)