D' Hoimat

A jedra hout sa Hoimat gern
des is ka lara Gschpaß
As Würtl Hoimat, halt nur fest
u lous fei ja niat as.

Mir Eghalanda wissns ja
u kuina fa uns bongt
denn unna Huimat gibt uns aols
wos ma vo ihr verloangt.

Sie haout uns dös Kerngsunda gebn
u leichts u lustigs Blout,
wenn d Scholln a wengl haort a is,
da Kean, der is scho gout.

U's Herz, dös woas die Haptsaoch is,
is recht, bei meiner Ehr
der Eghalanda git wenns gült
füa d Huomet alles hear.

Für unna Huimat als, dauo samma immer doau,
af unna Eghaland fei ja nix kumma laou,
Dös schoinao Fleckerl Ern, a jedra woiß sua klar:
d'Hoimat höält ma wöi an Edelstaoa.

U unna Moutaspraoch soll funkln woi an Stean,
woi leicht verlernt ma sie u haout sie doch sua gean.
Dea wos sei Moudalaut amol vergessn tout,
dea haout vl maoia weg, woi Geld u Gaout.

(Eingeschickt von einer vom Heimweh geplagten Schlaggenwalderin. Das Lied wurde ihr vom Fachlehrer Fritz Möckl in der 3. Bürgerschulklasse gelernt. Vielleicht erinnern sich noch andere Schülerinnen daran.)