II.**

19. Juli 1618.

**Correctoris Instruction.*)**

Zu wissen: Demnach ein ehrnuester achtbar vnnd wolweiser Rath dieser kay. vnnd kün. freyen Pergkstadt Schlackhenwaldt den gewesen Conrectorem oder Supremum der alhieigen lateinischen Schuel Herrn Valentin Mulzen auß gewißen erheblichen Vrsachen zu dem vacirenden Rectorat ordentlicher weiß vocirt vnnd beruffen, vnnd hergegen zu Wideresezung dessen Stell vff vorhergehende gute Commendationes den achbaren vnnd wolgelarten H. Sebastian Fürgang von Teußing wegen seiner hirzue gnugsamen Qualiteten vnnd Geschicklichkeit auch ehrlich Verhalten mittels ordentlicher Vocation an vnnd aufgenomen: Also hat sich obwolgedachter Rath einer gewissen nachrichtigen Instruction, was deßen Verrichtung in einen vnnd andern, hergegen er an Besoldung vnnd Accidentiis gewertig sein soll, entschlossen vnnd ihme dieselbe eingehendigt.

Erstlich soll er sich ider Zeit eines stillen eingezogenen Lebens, erbarn aufrichtigen vnnd christlichen Wandels befleißen vnnd damit seinen discipulis gleichsam alß ein schön hells Licht fürleichten, dann neben dem Herrn Rector (vff welchen er iderzeit nach einem E. Rath, dem Herrn Pfarherr vnnd Herrn Inspectorn mit seinem Respect gewisen) vnnd seinem andern herrn Collegen dahin mit embsigen Vleiß drachten vnnd sich bemühen, damit die Schule nicht nur bei guten Wolstandt erhalten, sunder je mehr vnnd mehr zu grossen Aufnehmen vnnd beßern Beruff gebracht werden möge; insonderheit aber sich dahin bevleißen, daß deren in der Schuel fürgeschribenen Ordnung vnnd legibus nach die discipuli keinesweges versaumt, sonndern neben dem heil. Cathechismo vnnd capitibus pietatis auch die andern lectiones, wie sy verordnet vnnd noch verbeßert werden mögen, vnnachlesig fortgetrieben vnnd dahero nach erlangten gueten Fundamenten beedeß, in vera Dei cognitione sowohln in andern artibus et scientiis, die discipuli ad academiam befürdert werden mögen.

Zum andern, demnach er seines Ambts halber wie obvermeldt nach einem E. W. Rath den Herrn Pfarherr vnnd verordneten Inspectorn mit dem Respect an dem Herrn Rector genzlich gewiesen, so soll er denselben neben andern seinen Herrn Collegis in allen

---

*) Nach einer Abschrift Renners.