dazou

bringa, daß ea[r] a amal kinnt: dean tout dea[r] Stich va dean Draghoner nuch allawal wäih! Wos haut si dau dea[r] arma Schiller, dea wos sellmal z' Egha sa[n] Lebmsbaschreibing g'macht haut, füa[r] u Möih gebm — 's nutzt all's nex. Wöi a nea[r] a weng wos häiat va[r] Egha, gäiht a glei af d' schwedische Seit'n üiwi u läßt si assa wöi lang niat seah[r]. Ich denk, da Dr. Bareuther wia[r]d nan's öitza scho[n] duh bal amal sog'n, da'n mia[r] Eghalanda nex dasüa[r] kinnt hobm, u da'n sei[n] Mörderer ganz wau annascht hea[r] woa[r]n.

Die gröißt Freud' in Himml druabm, döi haut ma[n] alta Aahna, da Wirtsanares. Dea[r] haut sein schäin Dua[r]scht, dean wos a as da Haimat mitbracht haut, nuch allawal niat recht g'stillt. Owa[r] öitza koa[r] a si a Gouts tou[n]: Koa[n] Sorgh üms Haa u üms Trai u üms Böich u üm d' Leut, koa[n] Angst van Bräua-Zohln u va da Steua, u ban Hoimgäih[n] Alls toghell, koa[n] Schnäi u schäina Wegh üwarall. Dea[r] Moa[n] haut's troffm, dean seina Vata[r]-unsa hobm si aszohlt! Owa[r] ich vagünn nan's ah. Denn wenn si a Eghalanda Baua nea[r] a paa[r] Gaua af dera Welt plaugt u g'rackert haut, sa vadäint a dasüa[r] unta Bröida[r]n siebm Himml af va[n]mal u mit All'n wos dazou g'häiat.

Zeit wia[r]d unnan Landsleut'n in Himml druabm niat lang; an kloin G'spaß u a Kuarzwal gi[b]t's do'n allawal. Nea[r] wenn si droa[n] denk'n, daß döi gouta Zeit äiwi[gh] dauat, dau laua si öiaramal a paa[r] Minut'n lang an Kuapf hänga, bis da alt Hans wieda tampert.

Wenn 's Weda schäi[n] is, u koi[n] Wolk'n untan Himml stenga, dau mach'n si öiaramal an kloin[n] Asflugh za dean Sterlan hi[n], wo'n grod üwan Eghaland stenga. Döi Sterla, dös san nex wöi kloina Löchla, wau di' himmlischa Hellighkeit assa u af d' Ea[r]dn oi leucht't; u dau legt si' assa a jedara üwa[r] a söchs Löchl hi[n] u schaut oi af's Eghaland. Wos si dau daba denk'n, dös how i dawal niat assabringa kinna; owa manchsmal lie'gn si wöi lang üwa dean Sternlöchlan u schaua immazou oi, bis nan d' Aug'n üwagenga — — —.

Ich woiß scho[n], vawa!