Himmlsschlüssala oa[n]s Methpleschl oi[n]tampat, dau is Alls stad, u nea[r] unna Herrgott traut sie affa nuch dau u do'n a Wörtl z'sog'n. Dea[r] hält si' gea[r]n u vül af da Eghalanda Seit'n van Himml af, wal's do'n an unta= haltlichst'n is, u wal assa[r]an alt'n Michl van Eghrisch'n Gymnasium koa[n] annara va dera Sort'n d'runta is.—

Da haligh Päita ban grauß'n Taua, dea[r] waiß scho[n], jedesmal, wenn fröih di grauß Afnahm' in Himml is, dau gäiht's zou wöi am Eghrisch'n Bahnhuaf, wenn zwanzigh Zügh af oa[n]mal oa[n]kumma. Dau is a G'wibl u a Lärma, u mitt'n dra[n] schreit da hali Päita: „Wau bist [b]enn hea[r], wos bist süa[r] a Landsmoan?" U wöi sua[r] a arma Söll sagt: „A'n Eghaland!", affa is scho[n] unna gouta Adolf Thomae danebm; dea haut dös G'schäft, wal a da jüngst is, u nimmt dean Eghalanda glei' ba da Händ u föihat nan hi[n], wau die annan san. U dau is allamal a grauß Fest, wenn a frischa kinnt, u da alt Hans häiat gaua niat auf mit 'n Bagröißn u Bewillkumma. Dau sitz'n si affa fest, bis d' Sunn wida va da annan Seit'n affablitzt, u da alt Pistl u da Forster musizier'n, u da Krämling singt oa[n] Liedl üms anna — u niat latta haligha — u allried laua si amal dean G'storbma lebm u 's Eghaland dazu. Dau is oft a Getöis u a Lärma, daß unna Herrgott öiramal a weng böis wia[r]d u sagt: „Manna stad! Dia[r]z weckt's ma[r] a die kloin Engala af!" Dau san si affa wieda[r] a wal stada. U affa dazühlt da seli Pleilöb a langa G'schicht, u dau ruck'n si z'samm u lausch'n, u döi wo'n in alt'n „Sieb" woa[r]n, druck'n d' Aug'n zou u denk'n si, daß si wieda[r] in da „Wurscht" sitz'n, u a Zeit lang schmeckt nan affa da Meth grod sua bitta, wöi an Siebwia[r]t sa[n] Böia.

Deiaramal kinnt a da alt Bismarck mit seina langa Pfeifm a weng hutz'n za[r] ihnan, wal a ja ba Lebas= zeit'n sua[r] oft z' Egha u in Eghaland g'west is. Dau hält affa da seli Dr. Ernst wieda sa[n] graußa Bismarck= riad, wöi sellmal in „Sieb", u dau laffm dean alt'n Eisen= moa[n] d' hell'n Zah[r] üwa d' Back'n oi.

Da Rat Grüner haut amal gaua an Goethe mit= g'schleppt bracht! U dau hobm sie wieda vül van Kamma= bühl g'redt u van Karlsbader Sprudel u sua zou.

Nea[r] dean alt'n Wall'nstoa[n] kinna si niat