Welt herumgetrieben, bin auch so manchen sonnigen Sommertag, wohl meistens zu Fuße, durch unsere Alpen gezogen, — und immer, wenn ich ein Tälchen durchwanderte, wo hochragende Waldberge mit kleinen Häuschen an felsigen Hängen und grüne Matten auf mich hernieder sahen, da habe ich jedesmal an das liebliche „Alpental" unserer Zeche in der fernen Heimat denken müssen. – Heil ihr und frohe Weihnacht!

Egerländer in Walhall.

Wan zwäi[n] oda drei Eghalanda in dera graußn Welt z'sammkumma, dau is affa glei a Eghalanda Landtogh serti: z' Wean dau gi[b]t's ara vö[a] oda fünf, u in Praugh a[r] oin, u in da Bukowina dahint'n u drunt in Triest u oruabm in Troppau is ah überall a Landtogh, u unna Burenlandsmoa[n] Füssl, der uns söllmal döi Gschicht'n va dean lauf'n Kröigh do'n unt'n dazühlt haut, dea[r] häit g'wiß a bau Buran in Südafrika an Landtogh z' Wegh bracht, wenn a no halbwegh nuch a paa[r] Ka[r]l wöi an Barthlme owa an Stöcker mit do'n g'hatt häit.

Uemkumma toun unna Landsleut weit u broat, dös is amal g'wiß, u i glau[b], daß ara ah scho[n] in da Höll drunt a paa[r] gi[b]t; dös san döi, wo'n an Mitgliedsbeitragh schul[d]i bliebm u in dera Sünd unbußferti o=g'storbm san. Owa die meistn Eghalanda kumma duh in Himml — dau gi[b]t's gauz koa[n] Widariad — u do'n is affa da Eghalanda Haupt= u General=Landtogh. U wenn's a va do'n üwan hoißt, wöi an Gamlinga Pfarra sa[n] Evagelium: „Kein Auge hat es gesehn, kein Ohr hat es gehört —" u sua zou, ich koa[n] ma's duh reat gout vüastelln, wöi unna Herrgott mit'n Eghalandan ümgäiht, u wos si druabm im Himml alls afföihan.

Platz möin si amal do'n grod sot hobm u gouta Zeit ah, viil u gnough. All Tägh is Landtogh, niat wöi ba[r] uns äiascht alla Summint; u allawal san si allz'samm dau. U daß si glei an recht'n Landmarschall hobm, haut möin unna Hans Buberl sua bal furt va dera Welt. Owa dau druabm gäiht's dasüa[r] a ganz anascht z'samm: dau gi[b]t's koa[n] Opposition, u wenn da Landmarschall mit'n